ليه #عطبرة اسمها #اتبرا ؟
ما حتتخيل في كم رواية للتسمية دي
اساس اسم عطبرة هو "اتبرا" ومع مرور الزمن وتداول الناس ليهو اتغير
لكن شنو سبب تسميتها ب ...اتبرا...؟
وفي رواية بتقول انه الاسم مشتق من كلمة "تتبير" في اللغة العربية الفصحى ومعناها انهدر بسرعة شديدة، واطلقتها القبائل العربية السكنت في المنطقة
علماء حضارة السودان بعتقدوا ان الاسم اصله "أدبارا" وبتكون من مقطعين (أد - بارا) أد ومعناها بحر في لغة العنج، وبارا معناها مروي في اللغة النوبية واصبحت أدبارا "بحر مروي
وفي باحثين بقولوا انه معناها (أرض الساحل)
و سكان عطبرة بيحكوا أكتر من حكاية عن سبب الاسم، منها انه في شيخ كان اسمه الاتبراوي وتم تسميتها عليه
-والحكاية التانية انه كان في نمل في منطقة التقاء النيل مع النهر واسم النمل ده اتبرة وتم التسمية عليهو
-وفي أهالي بتقول انها من ادبرا بمعنى هرب بسرعة
-
عطبرة في الأصل "اتبرا" ومع مرور الزمن اتغير وسبب التسمية عنده أكتر من رواية
#رحلة_Rihla